பட்டை கொலுசை மறுத்தது ஆத்தாவுக்கு துக்கம்
திருகோடு ஒற்றைக்கொத்து சலங்கை
இருப்பதில் எனாமல் பொட்டுகளோடு
தேர்வு செய்தாள் அம்மா
அரைஞாண் கொடிபோலச் சுற்றியதைக்
கொலுசென்று சொல்லித்தந்த சித்தியும்
தங்கத்தில் வேண்டுமென
அடம்பிடித்த அத்தையும்
சேர்ந்துதான் புலம்புகிறார்கள்
ஜீன்ஸ் அணிந்த
சின்னப்பாதத்தின் மறுதலிப்புக்கு
கருத்துகள் இல்லை:
கருத்துரையிடுக