நீர்த்துப்போ
நீர்த்துப்போ
அகங்காரமே
கதவைத் தட்டிக்கொண்டே
கால்வலிக்க நிற்கும் அன்பை
சமாதானம் செய்வது என் பாடு
********************************************
இன்றைய தேநீர்
நன்றாக அமைந்துவிட்டதா
அற்புதங்களை நிகழ்த்திக் கொண்டிருப்பவனே
நீ ஏன் உடனருந்தும்படி
யாரையும்
அழைப்பதில்லை
**************************************
மதிலுக்கு
அந்தப் பக்கமிருந்து
ஒவ்வொன்றாக வந்து விழுகின்றன
உன் உடைமைகள்
ஒட்டுமொத்தமாக
நீ
குதித்தால் என்ன
கருத்துகள் இல்லை:
கருத்துரையிடுக